NEEMA: Amfumania boyfriend wake, apewa kipigo

Mrembo aliyeshiriki Shindano la Maisha Plus Season II, Neema Emmanuel amefunguka kuwa siku inayomtesa maishani mwake ni ile aliyomfumania boyfriend wake lakini mwisho akapigwa yeye.
Neema alisema: “Siwezi kumtaja huyo boyfriend wangu kwa sababu nilishaachana naye, hata huyo mwanamke niliyemkuta naye simtaji, sioni umuhimu. Ila iliniuma, yaani unamfumania mtu halafu unapigwa wewe.”

MBONA UFUKWENI?
“Kwenda beach (ufukweni) ndiyo starehe yangu ya kwanza. Hapa nimekuja kujirusha, unajua napenda sana ku-fresh mind. Na hii siyo leo tu, ni mara kwa mara,” Neema.

NEEMA NI MZURI, NINI SIRI?
“Nautunza uzuri wangu kwa chakula cha asili. Ni mara chache sana mimi kutumia chakula kilichosindikwa kiwandani. Chakula cha asili kinanisaidia kuuweka poa urembo wangu,” Neema.

NINI KINAMTESA?
“Nateswa sana na rushwa ya ngono. Kila sehemu ninayokwenda nakutana na wanaume ambao kabla hawajakutekelezea mahitaji yako, wanataka kwanza watumie mwili wangu. Inakera sana lakini sijawahi kutoa na ninashinda vishawishi,” Neema.

ANAPIGA DILI GANI?
“Nina maduka ya kuuza nguo za asali. Hivyo ndiyo vitega uchumi vyangu. Zaidi ya hapo nimeanza kukomaa na muziki kwa sababu kipaji ninacho, hivi karibuni nitakamilisha wimbo wangu ambao utakuwa kwenye mahadhi ya Zouk. Kingine mimi ni msanii wa filamu,” Neema.

CHANZO GLOBAL PUB.