RAY C ACHEZEA KICHAPO.

 MWANAMUZIKI mwenye heshima tele ndani ya Bongo Fleva, Rehema Chalamila ‘Ray C’ a.k.a Kiuno Bila Mfupa, amepokea kipigo alipokuwa akifanya shoo katika nchi inayotawaliwa na Rais Mwai Kibaki, Kenya, Ijumaa lina ishu kamili.

Tukio hilo la kufedhehesha kwa mwanadada huyo ambaye amehamishia majeshi yake nchini humo, lilijiri Septemba 3, mwaka huu ndani ya Ukumbi wa Club Sea Front uliopo Mombasa kulikokuwa na Shoo ya Project Fame All Stars Special Tour.

Ilidaiwa kuwa, baada ya wasanii kadhaa kupafomu, alipanda msanii mwingine kutoka Kenya aliyefahamika kwa jina la kisanii la OJ ambapo aliimba kwa muda mfupi huku mashabiki wakimshangilia.

Ilinyetishwa kuwa, wakati OJ akiendelea kushusha mistari, Ray C ambaye muda huo alikuwa bwiii, alipanda stejini na kufanya mambo ya ajabu.

Mashabiki walishangaa kumuona Ray C akiwa tilalila ambapo alivamia jukwaa na kumpokonya ‘maiki’ OJ na kuanza kuongea maneno yasiyoeleweka huku akitukana, kitendo kilichowakera sana watu.